———————————————
الفشار بالكراميل..Caramel PopCorn

 

 

اليوم : الاربعاء               باقي يومين على الاختبارات النهائية للمدارس

 

 

من مدة واخوي الأصغر مشتهي الفشار بالكراميل ويطلب مني اسويله , واليوم قررت اسويه وطبعا هو يوم عرف  جا يشمر عن ساعديه يبي يساعدني

 

 

مو بطولة منه ولكن تهرب من ضغط المذاكرة  والحق يقال : انه هو اللي سواه , انا بس اعطيته المقادير

 

وبصراحه تنحسب له لانه عرف يضبط الكراميل من اول مره , طلع اشطر مني وهذا يرجع للحس المطبخي اللي ورثناه من

 

ست الحبايب الغالية

 

وهذا هي الوصفة كما تم تطبيقها بالضبط وطبعا ما يحتاجون تشترون من برا

 

 

,,

 

الفشار بالكراميل..Caramel PopCorn

 

المقادير:

 

لتحضير الكراميل:

 

(2 كوب) سكر بني واذا تبينه فاتح عادي لو استخدمتي الابيض

 

(1كوب) زبدة ذائبة

 

لتحضير القطر:

 

(نص كوب )سكر

 

(1 ملعقة) ماء

 

  أخرى :

فشار محضر مسبقا

 

(نص ملعقة)ملح

 

(1 ملعقة)فانيليا

 

(نص ملعقة)بكينغ باودر

 

زيت للدهن

 

طريقة التحضير:

 

تحضير القطر :

 

نضيف المقادير ونتركها على نار متوسطة الى ان يذوب السكر تماما ونرفعها

 

تحضير الكراميل:

 

اولا نضيف في مفلاة السكر الى ان يذوب شوي واذا كان السكر ابيض بس انتظري الا ان يصير بني  وبعدها نضيف الزبدة 

 

نضيف القطر  ,نقلب شوي وبعدها نضيف المقادير الأخرى

 

ثانيا بعد ما نغطي صينية الفرن بقصدير ندهنها شوي زيت او نرشها ببخاخ الزيت ونحط الفشار ونصب عليه الكراميل

 

هو راح يجمد بسرعه عشان كذا ندخلها الفرن لمدة ساعه او أقل وكل شوي نقلب الفشار عشان اذا ذاب الكراميل يغطي الفشار كله

 

 

وبالعافيه عليكم ياليت تجربونه سهل ,,,

 

كتبها!I! toOotey !I!، في 30 November -0001 00:00 AM———————————————

ـــــــــــــــــــــــــــــــــــــــــــــــــــــــــ
التصنيفات : غير مصنف |   دوّن الإدراج